१६ जेठ, काठमाण्डौ । उदयपुरमा ट्रक दुर्घटना हुँदा चार जनाको मृत्यु भएको छ। सोमबार बिहान साढे २ बजे कटारी नगरपालिक-१४ भदौरेस्थित सिद्धिचरण राजमार्गमा दुर्घटना भएको हो ।
पथलैयाबाट सिमेन्ट लोड गरी सोलु हाइड्रोपावरको लागि जाँदै गरेको ना ८ ख ८२९७ नम्बरको ट्रक दुर्घटनामा परेको हो।
ट्रक अनियन्त्रित भएर सडकबाट अन्दाजी १०० मिटर तल खसेको थियो ।
मृतकहरू चालक बारा सिम्रौनगढ उपमहानगरपालिका-१ बस्ने ३३ वर्षीय सुदिप घलान, सहचालक २५ वर्षीय निकेश खड्का, १७ वर्षीय अनोज लामा र ३७ वर्षीय राजन तामाङ छन्।