६ वैशाख, काठमाण्डौ । नबिल बैंकले आज सार्वजनिक गरेको तेस्रो त्रैमासिक वित्तीय विवरणअनुसार ९ महिनाको अवधिमा ३ अर्ब ३५ करोड २० लाख रुपैयाँ नाफा कमाएको छ ।
विवरणअनुसार बैंकको खुद नाफामा ८ दशमलव ९१ प्रतिशतले गिरावट आएको देखिएको छ।
तेस्तै , बैंकको खुद ब्याज आम्दानी २९ दशमलव ३० प्रतिशतले बढेको छ। जसअनुसार खुद ब्याज आम्दानी ६ अर्ब ५९ करोड २ लाख रुपैयाँ देखिएको छ।
साथै बैंकको निष्क्रिय कर्जा शून्य दशमलव ४८ प्रतिशतबाट बढेर १ दशमलव १४ प्रतिशत पुगेको देखिएको छ।
तेस्रो त्रैमासिकसम्ममा बैंकको प्रतिसेयर नेटवर्थ १ सय ९० रुपैयाँ २९ पैसा रहेको छ।