१७ चैत, बाँके । बाँकेमा अस्पतालको शौचालयबाट भागेका एक कैदीबन्दी पक्राउ परेका छन्। जुम्लाका ३८ वर्षीय हरिमान कामी नेपाल-भारत सीमाना क्षेत्रको जंगलतर्फ प्रवेश गर्ने क्रममा पक्राउ परेको हुन् ।
जबरजस्ती करणी र ठगी मुद्दामा पुर्पक्षका लागि थुनामा पठाइएका कामीले बुधबार आफू बिरामी भएको भनेपछि उनलाई अस्पताल लगिएको थियो । अस्पताल पुगेपछि कामीले आफूलाई शौच लागेको भन्दै शौचालय पसेका थिए । ट्वाइलेटभित्र प्रवेश गरी चुकुल लगाएका कामीले ट्वाइलेटको पछाडिको जाली च्यातेर हाम फाली भागेका थिए ।
शौचालयबाट भागेको आधा घन्टाभित्रै प्रहरीले उनलाई फेरि नियन्त्रणमा लिएको छ।
