१९ जेठ, रोल्पा । घरबाट बेपत्ता भएको झण्डै दुई महिना पछि रोल्पामा एक युवकको शव फेला परेको छ । रोल्पा नगरपालिका–१० धाङसी बस्ने राजकुमार रोकाका १८ वर्षीय छोरा भगवती रोका मगरको शव फेला परेको हो ।
स्रोतका अनुसार उनी २०७८ चैत्र २४ गते घरबाट हिँडेका थिए ।
खोजतलास गर्दै जाने क्रममा सोही नगरपालिका–९ स्थित सुनप्रकाश बुढाको खाली गोठमा निजको शव सडेगलेको अवस्थामा फेला परेको प्रहरीको भनाइ छ ।
घटनाको अनुसन्धान भइरहेको छ ।
