भारत । नयाँ दिल्ली भारतमा फेरि कोरोना भाइरस संक्रमण निरन्तर बढ्दै छ। पछिल्लो २४ घण्टामा २ हजार ६७ जनामा संक्रमण देखिएको छ। भारतमा हाल सक्रिय संक्रमितको संख्या १२ हजार नाघेको छ।
स्वास्थ्य मन्त्रालयले सार्वजनिक गरेको पछिल्लो तथ्याङ्क अनुसार कोरोनाबाट एकै दिन ४० जनाको मृत्यु भएको छ। केरलामा ३४, महाराष्ट्रमा तीन र उत्तर प्रदेश, मिजोरम र नागाल्याण्डमा एक-एक जनाको मृत्यु भएको हो।
भारतमा कोरोनाका कारण अहिलेसम्म ५ लाख २२ हजारभन्दा बढीको मृत्यु भइसकेको छ।
