काठमाडौँ । मलेसियाको अध्यागमन विभागले १६ नेपालीसहित अवैध रूपमा बसेका ८६ जना आप्रवासी श्रमिकलाई पक्राउ गरेको छ । अवैधानिक रुपमा रहेका उनीहरूलाई गत शनिबार जोहरबारुको सेनाइ औद्योगिक क्षेत्रबाट पक्राउ गरिएको हो ।
चेकजाँचको क्रममा १६ नेपालीसहित ६४ भारतीय, म्यानमारका ३ र बंगलादेशका ३ जना गरी ८६ जनालाई नियन्त्रणमा लिएको हो । ती सबै २० देखि ४० वर्ष उमेर समूहका भएको जनाइएको छ ।
पक्राउ गरिएकाहरूबाट कुनै पनि वैधानिक कागजात फेला नपरेको बताइएको छ । उनीहरूमाथि अध्यागमन ऐन उल्लंघन गरेको आरोप छ । अवैध रूपमा बसेकोले उनीहरूलाई कानुनी कारबाही हुनेछ ।