२९ वैशाख, गोरखा । मौन अवधिमा चुनावी गतिविधि गरिरहेका कांग्रेस र माओवादी कार्यकर्ताबीच बुधबार राति झडप भएको छ ।
अजीरकोट गाउँपालिका १ घ्याच्चोकमा राति १० बजेतिर भएको झडपमा माओवादीका दुईजना घाइते भएको प्रहरीले जनाएको छ ।
कुटाकुट हुँदा स्थानीय बेलबहादुर गुरुङको दुईवटा दाँत भाँचिएको छ भने अर्का विष्णु भुजेल पनि घाइते भएका प्रहरीले जनाएको छ । बुधबार बिहान मतदानकेन्द्रमा भएको सर्वदलीय बैठकमा विवाद भएको विषयमा राति मापसे गरी थप विवाद हुँदा कुटाकुट भएको बुझिएको छ ।
