अष्ट्रेलियाका प्रधानमन्त्री स्कट मोरिसनले आफ्नो देशको दुईवटा राज्यमा आएको बाढीका कारण राष्ट्रव्यापी आपतकालको घोषणा गर्ने बताएका छन् ।
उनले लिस्मोरको शहरमा बुधबार यस्तो घोषणा गर्दै ५ सय वर्ष पछि यस्तो घटना निम्तिएको बताए ।
साथै उनले बासिन्दाको तत्काल उद्दार नगरेको भन्दै संघीय तथा स्थानीय सरकारमाथि रोष व्यक्त गरेका छन् ।
न्यु साउथ वेल्स र क्विन्स्ल्याण्डमा आएको बाढीमा परी २० जनाको मृत्यु भएको छ । रेकर्ड स्तरको वर्षापश्चात् पछिल्लो दुई हप्तामा हज्जारौं घर डुबानमा परेका छन् ।
